Primeira Linha vén de facer públicos os acordos adoptados no seu VI Congreso ordinario, que decorreu en Compostela o pasado mes de abril, e unha cita que aconteceu nun período no que este partido sufriu diferentes convulsións internas: a finais de 2014 demitía Carlos Morais como secretario xeral e a finais deste mes de maio facíao a maioría do Comité Central, que abandonaba a formación.
Nos acordos do VI Congreso, PL fala da “ necessidade de umha ampla recomposiçom e refundaçom integral do espaço sociopolítico soberanista e independentista”, un paso que considera necesario perante “o avanço da espanholizaçom dos movimentos sociais” e coa finalidade de crear unha “alternativa independentista” de amplo apoio. Esre partido fai un ha avaliación negativa das “efémeras” experiencias de unidade de acción “da esquerda nacional”, facendo fincapé nas “limitaçons” do “interclasismo disfraçado de unidade de açom da esquerda soberanista”.
Nova lectura
No VI Congreso, sinala Primeira Linha, tomouse nota da importancia dos “ novos agentes emergentes da rebeliom popular, os setores excluidos, empobrecidos, precarizados, que constatam as profundas alteraçons produzidas na morfologia de classes galega”. Entende que hai que dar unha “atençom específica” a estes segmentos, así como ter en conta con maior peso o “factor subjetivo” .
PL descarta o que cualifica de “vías reformistas” e do “socialismo de mercado”e ratificouse como forza marxista-leninista, “frente a tanto populismo e oportunismo”.
