A candidata nacionalista á Alcaldía do concello da Rúa, María González Albert será a alcaldesa da localidade, cargo que recupera despois de perdelo en 2017.
Albert, actualmente deputada no Parlamento galego, consegue o bastón de mando após un pacto alcanzado entre a formación nacionalista, PSOE e o partido RUA.
Nas eleccións do 28-M o PP conseguiu 5 edís contra os dous de cada unha das outras tres formacións, sendo o BNG a máis votada entre elas.
Luis Fernández Gudiña, candidato socialista tomou a remuda de Albert na Alcaldía en 2019. Despois, nas eleccións dese mesmo ano foi o PP quen se fixo coa Alcaldía tras lograr un acordo co RUA.
Diego Lourenzo, novo deputado
Dada a incompatibilidade de ostentar a Alcaldía e un escano no Parlamento, Albert deixará de ser deputada, posto que pasará a ocupar o tenente-alcalde de Verín, Diego Lourenzo.
