A coalición Més per Mallorca, que o pasado 23 de xullo fixo historia nas eleccións estatais conseguindo o primeiro deputado independentista das Illes Balears, concorrendo xunto ao Sumar de Yolanda Díaz, vén de pedir o voto para o BNG nas eleccións galegas.
“Desde Mallorca, enviamos todo o noso apoio ás compañeiras e aos compañeiros do BNG. Este domingo faredes historia”, reza a mensaxe publicada nas redes sociais da formación balear.
Des de Mallorca, enviam tot el nostre suport als companys i companyes d'@obloque. Aquest diumenge fareu història!
O cambio é imparábel.
Este é o momento, #ÉAgora! #AMellorGaliza#AnaPontónPresidenta pic.twitter.com/SWPEdq9scJ— MÉS per Mallorca (@MESperMallorca) February 12, 2024![Publicidade 196050]()
Súmase así Més per Mallorca ao camiño iniciado por outras formacións como Compromís, que o pasado mes de marzo se desvinculou de Sumar e anunciou que non formará parte da súa estrutura orgánica nin da súa dirección, logo de concorrer xuntos, tamén, ás eleccións estatais.
Aliás, a organización xuvenil de Compromís, Joves PV, solicitou a través das súas redes sociais o voto para o BNG nas próximas eleccións ao Parlamento galego do 18 de febreiro. “Todo o apoio para o BNG e Galiza Nova -organización xuvenil do nacionalismo galego- nas eleccións do próximo 18 de febreiro”, indicaban.
E Adelante Andalucía, coalición electoral formada inicialmente polos Partidos Podemos Andalucía, Izquierda Unida Los Verdes-Convocatoria por Andalucía e os partidos andalucistas Izquierda Andalucista e Primavera Andaluza, emitiu tamén un contundente comunicado no que chaman a concentrar “todo o apoio da esquerda transformadora e o soberanismo popular en Ana Pontón”, que confían, din, “será a próxima presidente da Xunta da Galiza”.
