Barómetro completo de EM-Analytics (3 de febreiro): así se reparten os votos e escanos en cada circunscrición

A batalla polos últimos escanos non dá tregua. Mentres os socialistas pelexan contra os populares por lograr a última acta en xogo na circunscrición de Lugo, Democracia Ourensá recupera o seu deputado en Ourense a costa do BNG. Asemade, a pelexa estreitase na circunscrición da Coruña e Pontevedra, onde os populares se deixan nun só día catro décimas en cada unha delas, avanzando a tendencia á baixa manifestada nas anteriores entregas do barómetro. O debate da CRTVG de cinco de febreiro será a primeira grande proba de lume da campaña. Até o día 12, cada día unha nova entrega do 'tracking' electoral de EM-Analytics.