domingo 23.02.2020

Premio italiano para OQO por “O corazón do xastre”

Un baleiro no lugar en que tiña que estar o corazón fai ao vello xastre abandonar o pazo e atoparse coa dureza da realidade. O libro O corazon do xastre, publicado pola editorial de Pontevedra OQO vén de ser galardoado co Premio Vittoria Samarelli na súa edición italiana.
Imaxe do libro.
Imaxe do libro.

O domingo día 2 de decembro en Montova, na Lombardía, a editorial OQO recibirá o Premio Vittoria Samarelli, distinción que se entrega aos libros que contribúen ao coñecemento, á creación e ao crecemento das crianzas. Con texto do vasco Txabi Arnal e imaxes da ilustradora arxentina Cecilia Varela, o volume publícase en Italia co nome Cuore di sarto, dentro da colaboración do selo pontevedrés con Logos Edizioni. Alén de italiano e galego, o libro está publicado en español, portugués e francés.

O album narra a emocionante historia do xastre que comeza a percorrer o mundo e tenta amañar todas as desfeitas que atopa ao seu paso. As imaxes da arxentina afiancada en México Cecilia Varela apórtalle sensibilidade e tenrura a unha historia en que os debuxos evocan emocións e se tornan case metafóricas.



comentarios