Israel detén a 125 palestin@s nunha operación de castigo polo secuestro de tres persoas

As forzas militares e policiais israelís detiveron polo menos a 125 palestinos en Cisxordania desde o sábado pola noite no marco das operacións para intentar localizar aos tres mozos israelís secuestrados tres días antes nas inmediaciones de Hebrón.

Desde a Autoridade Palestina condenaron estas detencións e os recentes bombardeos sobre a Franxa de Gaza, nos que morreu un neno de 7 anos. Os palestinos denuncian que este é un "castigo colectivo sobre a poboación palestina".

O portavoz do novo Goberno de unidade palestino, Ehab Bessaiso, insistiu ademais que a Autoridade Palestina non ten ningún tipo de responsabilidade sobre a seguridade nos asentamientos.

O Goberno palestino responde así ao primeiro ministro israelí, Benjamin Netanyahu, quen responsabilizou aos palestinos por este secuestro, que se produciu na coñecida como Zona C, de competencia exclusiva de Israel no ámbito civil e de seguridade.

"O Goberno israelí non pode responsabilizar aos palestinos da seguridade nos territorios ocupados que non están baixo soberanía palestina e nos que hai decenas de asentamientos", argumentou Bessaiso.