O concello da Pobra do Caramiñal foi escenario esta quinta feira dun acto conmemorativo polo Día da Galiza Mártir.
O acto consistiu nunha ofrenda floral que tivo lugar na escultura da memoria localizada nos Xardíns de Valle-Inclán da localidade.
A concelleira da Memoria Histórica, Patricia Lojo, indicou que esta data “busca homenaxear as vítimas da ditadura franquista e renderlle un tributo a quen loitou e defendeu os principios da democracia”.
Pola súa parte, o alcalde da Pobra, José Carlos Vidal indicou que "nas institucións públicas debemos honrar todas as persoas mártires na historia do pobo galego. Por iso manter vivo o legado de Alexandre Bóveda é para o noso Concello unha obriga",
Para alén da Pobra do Caramiñal, varias localidades máis organizan actos similares como por exemplo en Poio, Pontevedra ou Santiago de Compostela.
A data
Cada 17 de agosto, Galiza conmemora o Día da Galiza Mártir, data en que en 1936 o o nacionalista Alexandre Bóveda era asasinado polos franquistas na Caeira (Poio).
A data, que homenaxea o líder do Partido Galeguista, e todas as persoas que sufriron a represión franquista segue, porén, sen ser oficial.
