A noticia do procesamento dun dos líderes máis carismáticos da direita francesa -quen, porén, acaba de perder face Fillon a candidatura para as eleccións á presidencia da República- foi avanzada por France Press e a BBC.
Segundo as pesquisas realizadas, Sarkozy utilizou unha empresa de relacións públicas para camuflar os gastos asignándollos ao seu partido, a UMP (agora Os Republicanos) e non á conta da súa campaña. As contabilidades -segundo a lei francesa, que limita o diñeiro que pode ser empregado nunha carreira presidencial- deben ser distintas.
O caso é coñecido en Francia como o escándalo Bygmalion, polo nome da empresa de relacións públicas contratada por Sarkozy.
A acusación tentará demostrar que Sarkozy era persoalmente consciente da fraude.
É a segunda vez na historia da actual República francesa (a V, instituída en 1958) que un ex presidente é levado a xuízo. O único precedente até o momento, o procesamento de Jacques Chirac, o outro grande líder da direita nas últimas décadas, condenado en 2011 a dous anos de prisión por malversación de fundos públicos. Non chegou a ingresar na cadea.
