María Corina Machado non poderá concorrer ás eleccións presidenciais que terán lugar en Venezuela este 2024.
A xustiza venezolana estabeleceu "sancións de inhabilitación" á cidadá María Corina Machado "por 15 anos" por ser " participe da trama de corrupción orquestrada polo usurpador Juan Guaidó, que propiciou o bloqueo criminal á República Bolivariana de Venezuela, así como tamén o despoxo descarado das empresas e riquezas do pobo venezolano no estranxeiro, coa complicidade de gobernos corruptos", determinou o alto tribunal, segundo recolle o diario El Nacional.
Pola súa banda, Machado lamentou a través da rede social X, antes Twitter, que "o réxime decidiu acabar co Acordo de Barbados" con esta decisión, pero asegurou que "o que non se acaba" é a súa "loita pola conquista da democracia a través de eleccións libres e limpas".
"Maduro e o seu sistema criminal escolleron o peor camiño para eles: unhas eleccións fraudulentas", denunciou a candidata opositora, advertindo que "iso non vai pasar". "Que ninguén o dubide", apostilou María Corina Machado.
El régimen decidió acabar con el Acuerdo de Barbados.
— María Corina Machado (@MariaCorinaYA) January 26, 2024
Lo que NO se acaba es nuestra lucha por la conquista de la democracia a través de elecciones libres y limpias.
Maduro y su sistema criminal escogieron el peor camino para ellos: unas elecciones fraudulentas. Eso no va a…
Máis inhabilitacións
O Tribunal Supremo de Venezuela (TSX) confirmou ademais a inhabilitación das dúas veces candidato presidencial Henrique Capriles, quen continuará sen poder postularse a cargos públicos até o ano 2032, o que lle impide concorrer ás urnas nos comicios deste 2024.
O alto tribunal concretou que a solicitude de revisión presentada polo ex gobernador "non cumpre cos requirimentos estabelecidos" no acordo asinado entre o Goberno e a oposición venezolana para o estudo destes casos, recolle o mesmo medio.
"O que nunca poderán inhabilitar é o sentimento de cambio dos venezolanos. O soño de ter un país onde a Constitución e as leis sexan iguais e respectadas por todos [...] Unha Venezuela para todos, democrática, onde teñan todos as venezolanos oportunidades, prosperidade, onde ninguén se vaia e os que se foron poidan regresar porque o seu país é terra de benestar", expresou Capriles a través da mesma plataforma social.
A pesar de las amenazas graves de sectores de ultraderecha contra la paz de la República, se ha cumplido con el mecanismo establecido en el marco de los Acuerdos de Barbados. Sigamos avanzando. Elecciones en 2024 llueva, truene o relampaguee!!!
— Jorge Rodríguez (@jorgerpsuv) January 26, 2024
A confirmación do TSX chega despois de que o presidente da Asemblea Nacional de Venezuela, Jorge Rodríguez, asegurase esta quinta feira que María Corina Machado non podía presentarse aos comicios e despois tamén de que a alianza opositora Plataforma Unitaria denunciase "unha nova onda represiva" e de "violación de Dereitos Humanos" por parte do Goberno de Nicolás Maduro contra algunhas destacadas figuras da oposición que, din, están a ser perseguidas, secuestradas e encarceradas.