O ourensán Samuel Prada León, voluntario nas milicias curdas das Unidades de Protección Popular (YPG), faleceu o día 10 nunha ofensiva do Exército turco contra as guerrillas na rexión de Afrin, segundo informaron este domingo as YPG.
As milicias sinalan, na súa páxina web e nas redes sociais, que o galego se uniu ao grupo o pasado verán baixo o alias Baran Galiza e combateu contra o DAESH en Raqqa e Deir ez Zoz. O ourensán, de 24 anos, encetou a súa participación nos combates no Afrin ao redor do 20 de xaneiro, data do comezo da campaña turca coa que o réxime de Recep Tayyip Erdogan pretende eliminar do territorio toda a presenza de milicias curdas.
