A furgoneta tería tido como albo do seu ataque as terrazas dunha das zonas máis turísticas da cidade. Das 20persoas feridas no mínimo 6 teñen a súa vida en perigo.
A identidade do agresor -unha persoa que sofría doenzas psiquiátricas- leva neste momento a que a principal teoría da investigación é que non se trata dun atentado terrorista, segundo informou o Süddeutsche Zeitung a partir de fontes policiais. Non hai confirmación oficial da veracidade desta noticia.
O asaltante era un home de 48 anos de nacionalidade alemá.
Non é o primeiro atropelamento masivo con resultado de varias mortes en Alemaña. En decembro de 2016, Berlín sofreu un ataque similar, cun balanzo de 12 vítimas mortais.
Nota: esta noticia foi actualizada ás 22.56 h. As primeiras informacións da policía -emendadas agora- apuntaban a un maior número de vítimas.