Un avión comercial da compañía Japan Airlines entrou en combustión na madrugada desta terza feira após bater de fronte contra outra aeronave nada máis tomar terra no aeroporto internacional da capital xaponesa, Tokio. As case 400 persoas que ían a bordo —367 pasaxeiros e 12 integrantes da tripulación— tiveron que ser evacuadas.
Un vídeo da canle de televisión local NHK difundido en redes sociais mostra o avión de pasaxeiros en movemento na pista de aterraxe e, de súpeto, envolto en chamas no medio dunha gran bóla de lume. Posteriormente a aeronave para e, após abriren as portas de emerxencias, decenas de persoas saen á carreira mentres os bombeiros tratan de sufocar o incendio.
Japan Airlines flight JL516, an Airbus A350-941, collided with a Coast Guard plane at Haneda Airport:pic.twitter.com/60DlACUDJc
— Aviation Safety Network (ASN) (@AviationSafety) January 2, 2024![Publicidade 196064]()
Segundo fontes consultadas por NHK, toda a tripulación e pasaxe do voo 516 —procedente de Hokkaido— foi evacuada a tempo, sen que se lamentasen vítimas mortais. O avión co que se produciu a colisión pertencía a Garda Costeira do Xapón —apunta a canle internacional CNN— que se dirixía a unha base aérea en Niigata para axudar as vítimas do terremoto que sacudiu o país esta segunda feira. Porén, cinco dos seis tripulantes faleceron e a sexta conseguiu escapar, sinalan desde NHK.
![Sira Rego é ministra con Sumar. [Imaxe: Alberto Ortega / Europa Press]](/asset/zoomcrop,480,270,center,center/media/nosdiario/images/2024/05/01/2024050122045973661.jpg)
