A fotografía aparece publicada no Facebook de Policías Eurocops baixo o lema de "Orgullosos de vós e coa satisfacción do deber cumprido".
Os axentes do CNP (Corpo Nacional de Policía) posaron para esta instantánea, cunha bandeira española, nas últimas horas do serán deste domingo, após protagonizaren brutais cargas contra miles de cidadás e cidadáns de Catalunya que pretendían exercer o seu direito de voto.
O cruceiro que se ve tras deles é o Rhapsody, un dos cruceiros -este non é o do xa mítico Piolín- contratado por Interior para aloxar os destacamentos enviados para sofocar a rebelión democrática catalá.
O post de FB ten máis de 300 comentarios e máis de 2.000 likes.
