Millares de galeg@s secundaron a convocatoria feita polos sindicatos e as máis de 60 entidades que conforman a Alianza Socia Galega (ASG) para demandaren "outra saída á crise" que non pase polos recortes en servizos públicos, o ataque a dereitos e conquistas laborais e sociais e as medidas que non impliquen o emprobrecemento paulatino de grandes capas de poboación. Con estas mobilizacións quíxose denunciar as políticas antisociais que está a adoptar o goberno do PP.
Medidas como a revalorización das pensións, os recortes na sanidade e no ensino públicos e a contrarreforma ideolóxica que representan a LOMCE ou Lei de taxas xudiciais. Como parte das reivindicacións tamén estaba a exixencia de reformar da normativa hipotecaria para pór fin ao drama dos desafiuzamentos e lograr a dación en pagamento.
Malia o mal tempo, a afluencia foi notábel en parte destas concentracións, inseridas nunha liña de rexeitamento e denuncia dunhas políticas feitas "sen ter en conta nin a voz do pobo nin os seus intereses"
