Nos montes galegos xa hai despregadas 25 patrullas terrestres do Exército español, ás que hai que sumar os denominados ‘equipos de mantemento móbil’, coa misión de “disuadir posíbeis incendiarios” e facer tarfas de “prevención de incendios”. Esta cifra pode aumentar até 75 patrullas (e dous helicópteros) se a situación o requer, indican desde a Xunta.
Este despregamento é custeado pola Xunta de Galiza, que só neste 2014 pagará 575.000 euros ao exército español, un 4 por cento máis que no ano pasado.
A conselleira Rosa Quintana defendeu este convenio co exército por ser “importantísimo” e resaltou que “funciona extraordinariamente ben”. O director xeral de Política de Defensa , o almirante Francisco Martínez, dixo estar “moi satisfeito” de colaborar con Galiza, territorio que, engadiu, “sofre moito cos incendios”.