Ofelia Rey: A memoria das mulleres

Boa parte das migracións masivas da Idade Moderna estiveron protagonizadas por mulleres. Moitas delas eran, ademais, mozas novas que migraban soas. Outras moitas quedaron atadas á casa porque, por distintas razóns, non podían marchar. As mulleres vivían nunha situación de desigualdade e inferioridade de condicións, pero non estaban indefensas. Non eran vítimas sen posibilidade de axencia. Son algunhas das conclusións de El vuelo corto (USC), o ensaio co que a catedrática de Historia Moderna da USC Ofelia Rey vén de gañar o Premio Nacional de Historia do Ministerio de Cultura.