Jorge Rey: "O que está claro é que non se crea público só polo que fan as institucións, coas políticas culturais actuais"

O teatro de monicreques na Galiza non podería entenderse sen profesionais como Jorge Rey, creador de Títeres Cachirulo e do Festival Galicreques. Algunhas cousas mudaron desde que unhas poucas compañías comezaron nos 80 a pular por unha estruturación do teatro de bonecos no país. Outras seguen pendentes, como a ausencia dunha auténtica política cultural para o sector ou certa desconexión co público adulto. Galicreques tenta mudar esta situación.