Grande Amore: "O tema da lingua xa está universalizado, xa nin se discute"

Hai cousas que están cambiando no panorama musical galego e o éxito de Grande Amore -Nuno Pico- é unha mostra máis. Como Baiuca. Ou Boyanka Kostova. Ou Tanxugueiras. Como el di, úneos unha afinidade que non é tanto de estilo musical. Senón de formas de relacionarse co público, de producir e distribuír o seu traballo ou mesmo de ver o mundo. Con debates que xa non o son porque hai cuestións, como o compromiso co galego, que xa se dan por supostas. Aínda que a súa relación coa política poida ser outra. Falamos con Nuno.