Su Garrido Pombo: do rural ao urbano

Su Garrido Pombo (1982) é unha cantautora viguesa pero co corazón na aldea de Traspielas, en Fornelos de Montes. A carreira profesional de Garrido comeza após gañar o premio Fran Pérez Narf da Deputación da Coruña no ano 2018 e, actualmente, encóntrase inmersa na xira de presentación do seu segundo disco, Patios de luz. Un álbum no que o mundo rural invade o mundo urbano e no que homenaxea esa vida en comunidade tan característica da aldea e dos patios de luz dos edificios. Conversamos con ela sobre a música e sobre o seu novo traballo.