Alberte Pagán: "O primeiro deber dun cinema político é rachar cos códigos estabelecidos"

Alberte Pagán vén de recibir o Premio Cineuropa que recoñece unha traxectoria xa longa mais, sobre todo, coherente. Pioneiro do cinema experimental na Galiza, a súa obra é moi variada na forma -sempre na procura de novas linguaxes cinematográficas- e sempre militante na causa da reflexión a través da imaxe e na loita pola emancipación dos pobos. O conxunto das súas películas é case un manual de resistencias que abrangue desde o agit-prop máis urxente (Película urgente por Palestina) até o desvelamento do discurso sistémico a través da súadeconstrución (Frank). O filme Bs. As. situouno na primeira liña de combate ante un cinema que se rendía ao comercial, mais alleo a xerarquías, prosegue co seu traballo artístico e teórico desde as marxes, marcando camiños.