O de Australia e Nova Zelandia está sendo o Mundial das sorpresas. Logo das prematuras eliminacións de Brasil e Italia, outra candidata ao triunfo final dixo adeus na fase de grupos por primeira vez na súa historia, Alemaña.
As teutonas empataron no seu derradeiro partido ante Corea do Sur (1-1), o que unido á sorprendente vitoria de Marrocos sobre Colombia enviou a Manschafft de volta a Europa. E iso que o conxunto dirixido por Martina Voss-Tecklenburg dependía de si mesmo.
Sabía que de gañar a unha Corea que non se xogaba nada -xa sen opcións logo de perder nos seus dous primeiros partidos- obtería o pase aos oitavos, pero non foi quen de reaccionar debidamente ao madrugador tanto de Cho So-Hyun aos cinco minutos, e só lograron empatar no 41 da man de Alexandra Popp.