venres 21.02.2020

Kobe Bryant falece nun accidente de helicóptero

Kobe Bryant, considerado un dos mellores xogadores de baloncesto da historia, faleceu este domingo, 26 de xaneiro, por mor dun accidente de helicóptero en Calabasas, California. 

Kobe Bryant (Imaxe: NBA)
Kobe Bryant (Imaxe: NBA)

O ex xogador de baloncesto estadounidense, Kobe Bryant, faleceu este domingo, 26 de xaneiro, á idade de 41 anos debido a un accidente no helicóptero en que viaxaba á altura da cidade de Calabasas, en California, nos Estado Unidos de América. Brant viaxaba aompañado doutras oito persoas, entre elas a súa filla Gigi, de 13 anos; que tamén faleceron no sinistro. A tráxica nova adiantouna o medio TMZ.

Ao parecer produciuse un incendio no interior da aeronave, o que desencadeou o accidente.

Bryant está considerado como un dos mellores xogadores da historia do baloncesto e desenvolveu a súa carreira na NBA nos Angeles Lakers.

Coa selección estadounidense gañou até dúas medallas de ouro nos Xogos Olímpicos de Beijing 2008 e de Londres 2012.

Kobe chegou a desputar 18 veces o partido das estrelas da NBA, sendo o cuarto máximo anotador histórico.

comentarios