O cabodano do poeta Manuel María, natural de Outeiro de Rei, sérvelle aos dous colectivos da Terra Cha para recoñecer o labor cultural de persoeiros relacionados coa comarca. Este ano encargaranse de manter o acto o escritor David Otero e mais o músico Mero Iglesias.
A maiores da entrega de galardóns, haberá unha ofrenda floral ao poeta autor de Muiñeiro de brétemas ou Mar maior e un recital en que participarán os cantores Mini e Mero, Miro Casabella, Antón Valcarce ou Tino Baz.
