Día do libro: estas son as dez mellores obras publicadas na última década, a ollos da crítica galega

Este domingo, 23 de abril, o mundo enteiro conmemora o Día do Libro e, con motivo desta popular celebración, o número desta fin de semana do Sermos Galiza dá voz a seis voces referentes da crítica literaria galega —Ramón Nicolás, Armando Requeixo, Mario Regueira, Isaac Lourido, Inma Otero e Tensi Xesteira— para proporen as que, ao seu xuízo, foron as dez mellores obras publicadas na última década en lingua galega.

Segundo o informe de produción editorial de libros do Instituto Nacional de Estatística, entre 2013 e 2019 publicáronse 6.859 títulos en galego. E o Anuario de Estatísticas Culturais do Ministerio de Cultura español achega datos máis actualizados: en 2021 rexistráronse no ISBN 1.034 libros escritos na lingua propia do país en soporte papel, que en 2021 foron un total de 1.136.

Os resultados desta consulta a persoas expertas, apunta a autora da reportaxe publicada neste Sermos Galiza, Montse González, permiten albiscar, por unha parte, a complexidade da encomenda, pois non se producen moitas coincidencias nas seleccións e, pola outra, o peso simbólico que manteñen a poesía ou a narrativa fronte a outros xéneros. Tamén o recoñecemento, cada vez maior, das mulleres autoras ou a relativa autonomía da literatura galega a respecto de modas temáticas ou estéticas.

Ramón Nicolás

• Un señor elegante, de Suso de Toro.
• Feliz Idade, de Olga Novo.
• Virtudes (e misterios) de X. Fraga.
• En vías de extinción, de M. Reimóndez.
• Seique, de Susana S. Arins.
• Chévere 1987-2022. Trinta e cinco anos de axitación cultural, autobiografía.
• As malas mulleres, de Marilar Aleixandre.
• A nena do abrigo de astracán, de Xabier P. DoCampo.
• O paraíso dos inocentes, de A. Riveiro.
• Street poems, de Fran Alonso.

Isaac Lourido

• Seique, de Susana S. Arins.
• Todos os pasos fan ruído, de Sara Plaza.
• Galiza, um povo sentimental?, de Helena Miguélez.
• Camuflaxe, de Lupe Gómez.
• Anna Turbau. Galicia 1975-1979., de varios autores.
• Lapsus. A comedia de existir, de Alfonso Pexegueiro.
• Novas do exterior. 63.000 quilómetros de viaxes á cadea, de Xosé Luis Santos Cabanas.
• Proibido sentir. Escritos desde a máquina-prisom, de Adriám Mosqueira Paços (Senlheiro).
• Percorridos por unha teoría do desexo, de Aberte Pagán.
• Un señor elegante, de Suso de Toro.

Inma Otero

• Celebración, de Gonzalo Hermo.
• Feliz Idade (Faktoría K, 2019, de Olga Novo.
• A desvértebra, de Ana Romaní.
• Lixeiro, de Ismael Ramos.
• Os elefantes de Sokúrov, de Antón Riveiro Coello.
• O último barco, de Domingo Villar.
• Illa Decepción, de Berta Dávila.
• Escarlatina, a cociñeira defunta, de Ledicia Costas.
• Capitalismo e fascismo. Pisco-ontoloxía da escravitude, de Rebeca Baceiredo.
• Rosalía de Castro. Cantos de independencia e liberdade (1837-1863), de María Xesús Lama.

Mario Regueira

• Galiza, um povo sentimental? de Helena Miguélez-Carballeira.
• Um pais "a la gallega. Galiza no No-Do franquista, de Beatriz Busto-Miramontes.
• Seique, de Susana S. Arins.
• Mamá, quero ser Ziggy Stardust, de Iria Misa.
• Cara de velocidade, de Marga Tojo.
• Maternidade, de Yolanda Castaño.
• Escarlatina, a cociñeira defunta, de Ledicia Costas.
• O derradeiro libro de Emma Olsen, de Berta Davila.
• Besta do seu sangue, de Emma Pedreira.
•  ...as neuronas irmás..., de Estíbaliz Espinosa.

Tensi Xesteira

• Aqueles días en que eramos malas, de Inma López Silva.
• O derradeiro libro de Emma Olsen, de Berta Dávila.
• Feliz Idade, de Olga Novo.
• Camuflaxe, de Lupe Gómez.
• Avelaíñas eléctricas, de Sica Romero.
• Sopas New Campbell, de Teresa Moure.
• Seique, de Susana S. Arins.
• Os bicos feridos, de Anna R. Figueiredo.
• A simetría das bestas, de Alberto Ramos.
• A fiestra aberta, de Juan Parcero.

Armando Requeixo

• O libro da filla, de Inma López Silva.
• A diagonal dos tolos, de Santiago Lopo.
• A lúa da colleita, de Anxos Sumai.
• Non hai outro camiño, de Isaac Xubín. 
• Feliz idade, de Olga Novo.
• Tempo fósil, de Pilar Pallarés.
• Soño e vértice, de Eva Veiga.
• Unha corrente salvaxe. Historia dunha descoñecida, de Raúl Dans.
• Na miña alma ouvea un lobo, de Xavier Lama. 
• Suite Artabria, de Manuel Lourenzo.