As coplas e o maio da Asociación Cultural Auriense venceron este domingo na categoría adulta do certame de coplas e maios de Ourense, organizado polo Concello da cidade. Unha cita na que tomaron parte 53 maios elaborados por diferentes colectivos e entidades.
As coplas da Auriense fixeron un amplo percorrido pola actualidade, tratando desde o que pasa en Palestina e o aniversario da Revolución dos Cravos até a temática local, como o das vodas oficiadas polo alcalde, Gonzalo Pérez Xácome. "Tratamos de falar da actualidade cun toque de humor e tamén de reivindicación", afirma sobre as coplas Daniel Gómez en conversa con Nós diario.
Unha reivindicación que tamén está presente no maio premiado, onde nun lateral do mesmo se defendeu o topónimo legal da cidade, Ourense, ante a política do alcalde de abrir a porta á deturpación do nome da cidade; e noutro se facía unha homenaxe ao 25 de abril portugués. "Levounos sobre 5 días facer o maio". A Auriense fixo un maio de adultos e outro de crianzas.
Maios, Ourense pic.twitter.com/D41cdtcDh6
— Xesús Piñeiro (@JesuPinheiro) May 6, 2024
Na categoría de ‘maio artístico’ o segundo premio foi para a Coordenadora Marcha Mundial das Mulleres.
Premios Maios 2024:
Maio artístico:
Primeiro premio (900 euros) Óscar López González
Segundo (700 euros) Coordenadora Marcha Mundial das Mulleres: Maio feminista
Terceiro (500) Paula Martínez Llano: O maio do galiñeiro
Maio enxebre
Primeiro (600) Asociación Cultural Auriense
Segundo (400) ANPA CP Inmaculada: Non nos dá a vida
Terceiro (300) Os Lolailos: Cruceiro de Vilar de Astrés
Maio infantil
Primeiro (300) Uxía Afonso Crespo: Maio bubuxas
Segundo (200) ANPA Os penediños: O maio dos penediños
Terceiro (100) CEIP Saco e Arte de Toén
Maio creativo
Premio (300) Asociación de Familias de Alumnos Limiar: Maio das flores
Coplas persoas adultas
Primeiro (300) Asociación Cultural Auriense
Segundo (200) CEIP Plurilingüe As Mercedes: As traballadoras das Mercedes
Terceiro (100) Fundación Educativa Franciscanas: Galiza
Coplas infantís
Primeiro (300) AFA CEIP Saco e Arte de Toén
Segundo (200) Uxía Afonso Crespo: Maio bubuxas
Terceiro (100) ANPA Os penediños
