Os premios de teatro María Casares rexistran a maior participación da súa historia ao inscribirse un total de 47 espectáculos e máis de 350 profesionais na súa 28ª edición, cuxa gala de entrega terá lugar vindeiro 21 de marzo no Teatro Rosalía de Castro da Coruña.
Así o confirmou a organización, que sinalou que este récord de inscricións alcánzase na segunda edición na que os galardóns incrementan os seus apartados, xa que en 2023 as bases foron modificadas para ampliar o certame ao crear dúas novas categorías: dirección de movemento e espectáculo de marionetas, obxectos e figuras animadas.
Na última década, detalla, só superouse a cifra de 40 espectáculos participantes en 2017, no que concorreron 44 montaxes, e no 2015, que contou coa presentación de 43. A Asociación de Actores e Actrices de Galiza (AAAG), asociación sindical que organiza os galardóns coa colaboración de entidades e institucións, abrirá esta cuarta feira a primeira quenda de votacións.
Dela sairá a relación dos finalistas que optarán aos 16 galardóns nos que se dividen os María Casares: espectáculo, espectáculo infantil, espectáculo de marionetas, obxectos e figuras animadas, dirección, dirección de movemento, actriz protagonista, actor protagonista, actriz secundaria, actor secundario, texto orixinal, adaptación-tradución, espazo sonoro, espazo escénico, iluminación, maquillaxe e vestiario.
Perto de 500 persoas pertencentes ao sector escénico están chamadas a emitir os seus votos de forma telemática a través da web da Asociación de Actores e Actrices de Galicia (AAAG) até a sexta feira 9 de febreiro nesta primeira rolda de votacións.
|
Espectáculo |
Compañía |
1 |
A fábula de Vila Chá |
Mircromina |
2 |
Á luz do día. Nalgún lugar do mundo, a algunha muller |
Serea Teatro |
3 |
A Nai |
Amorodio Teatro |
4 |
A teteira de Kabul |
Xarope Tulú |
5 |
Ándale, Bon appêtit! |
Teatro Ghazafelhos |
6 |
As Damas de Ferrol |
Teatro do Noroeste |
7 |
Asfixia |
Vórtice Escénico |
8 |
Backstage |
NegroLópez |
9 |
Backup. A Resurrección de Nuno |
De Ste Xeito Producións |
10 |
Bailar no ceo |
Xerpo |
11 |
Blues de Medianoite-versión estendida |
Laboratorio Escénico |
12 |
Brokeback Sabucedo (Paixón entre bestas) |
Sal do Teatro |
13 |
Cabicivai |
Os contos de Pablísimo |
14 |
Cantamos con Rosalía? |
Luís Vallecicllo |
15 |
Códice K |
Ainé |
16 |
Coliño |
A xanela do Maxín |
17 |
Corentena |
Ainé |
18 |
Crisálida |
Caramuxo Teatro |
19 |
Deadpan Karaoke |
Ibuprofeno Teatro |
20 |
Entrega en man |
Contraproducións |
21 |
Frida |
A Cova das Letras |
22 |
Frío |
A Feroz |
23 |
Hamelin |
Rerdum Teatro |
24 |
Historia dunha nena nomarada do mar |
O sol de outono Teatro |
25 |
Insubmisa |
Antagonista Teatro |
26 |
Iphixenia na porta do súper |
Compañía Humana |
27 |
Kyoki |
Elefante Elegante |
28 |
Made in Galiza |
Sarabela Teatro |
29 |
Menu-do día |
Colectivo CBV |
30 |
Mosca |
Ártika Cía. |
31 |
Mozas nas redes |
aAntena |
32 |
Nanai da China |
Pérez&Fernández |
33 |
O Auto do Castromil |
Producións Teatráis Excéntricas |
34 |
O pequeno poni |
Redrum Teatro |
35 |
O rapto da Befana |
Olivas Negras |
36 |
O refuxiado |
Stracciatella Teatro |
37 |
Picassos Animados |
Títeres Cachirulo |
38 |
Que din as Rumorosas |
Maquinarias Teatro |
39 |
Revolta |
Cía. Juanito&Filomena |
40 |
‘Selkie’. A lenda do Mar do Norte |
Luis Vallecillo |
41 |
Shakespeare en Roma |
Centro Dramático Galego |
42 |
Síbaris |
Condetrespés |
43 |
Sofá |
martaalonsotejada |
44 |
Treboada |
Nauta |
45 |
Un hotel de primeira sobre o río |
Centro Dramático Galego |
46 |
Unha inimiga do pobo |
Talía Teatro |
47 |
VOX POPULI |
Malasombra |