11º Festival Internacional de Curtametraxes de Bueu
Bueu
Centro Social do Mar
Desde a sexta feira 7 até o domingo 15 de setembro.
Un espazo de difusión da cultura cinematográfica que pon en diálogo o local co internacional, nun programa que inclúe a proxección dun cento de curtas e múltiples actividades paralelas.
Festival 85C
Vigo
Diversos espazos
Sexta feira, sábado e domingo
A cidade de Vigo acolle a III edición do 85C, un festival que nace co obxectivo de dar a coñecer a arte das mulleres. O programa, que se estende ao longo de tres días, vinte e cinco locais e máis de oitenta artistas, inclúe, entre outras moitas actividades, performance, danza, concertos, proxeccións, obradoiros, recitais de poesía e faladoiros.
Commedia
Compostela
Teatro Principal
Sábado
20.30h
Contraproducións trae á actualidade un dos espectáculos máis exitosos do teatro galego, Commedia, un xoguete para Goldoni, estreado en 1993 na MITR.
Manuel María, Memoria da Chaira Enteira
Terra Chá
Diversos espazos
Sábado
A Asociación Xermolos e a Irmandade Manuel María lembran o cabodano do escritor chairego este sábado 8 de setembro. O acto, arroupado co Canto da Irmandade e o Himno Galego a cargo de Mero, contará cun xantar de irmandade (previa inscrición) máis actos literarios e musicais. A entrega das Navallas de Manuel María a Branca Rodríguez Pazos e a Moncho Valcarce, este último a título póstumo, será ás 19.30h na carballeira de Santa Isabel, nunha cerimonia dirixida por Marica Campo, David Otero e Mero Iglesias.
Petiscos Musicais
Allariz
Fundación Vicente Risco
Sábado
21.00h
Un ciclo anual cunha grande acollida entre os amantes da música de cámara, desta volta a cargo do Dúo Adagio con Lorena Blanco (piano) e Roberto Miguéns (clarinete).
V Foliada do Bosque
Carballo
Bosque do Añón
Sábado
A música e o baile tradicional danse cita, grazas á participación de diferentes asociacións culturais do municipio, cos xogos tradicionais para crianzas e o I Aberto de Billarda.
Espazos Sonoros
Baiona
Ex-colexiata de Santa María
Sábado
20.30h
O conxunto Capella Sancta Maria, dirixido por Enrique López-Cortón, recupera "Tristezas me matan", unha peza inspirada nunha das primeiras misas de Cristóbal de Morales.
Moncho Valcarce: Unha vida de compromiso
Museo do Pobo Galego
Compostela
Até 16 de setembro
Acóllese unha mostra sobre a vida de Moncho Valcarce, que dá conta da traxectoria que marcou o seu compromiso coas labregas e cos labregos no contexto das loitas agrarias.
Concerto benéfico a prol de Down Compostela
Compostela
Auditorio de Galiza
Sexta feira
20.30h
Duobitatio (Rosalía Gómez Lasheras e Antonio Viñuales) ofrece un concerto solidario que fai parte dos actos conmemorativos do 21 aniversario da Fundación.