O narrador oral realiza nesta peza unha síntese de historias e contos “inspirada en textos e debuxos” do rianxeiro. “Coa palabra como única ferramenta, Pazó procura o humor agudo e tenro, a expresión sinxela e sutil e o trazo delicado e potente do xenial artista e político galego”, indican desde a organización.
As entradas para Que comerá o rei? Custan cinco euros e poden reservarse por anticipado ben no teléfono 698177621, ben no correo electrónico [email protected].
A Casa-Museo Manuel María inicia ademais o seu horario de verán, que dura ate o 30 de setembro. Estará aberta todos os sábados, domingos e festivos -agás o 25 de xullo- entre as once da mañá e as dúas da tarde e entre as catro e media e as sete e media.
