#sermos134: o ensino cara á greve do #26F

Xa un novo número de Sermos Galiza nesta rúa, desta volta coa greve do 26 de febreiro no ensino como tema dentral. Analizamos os motivos da convocatoria e falamos cos estudantes, nunha reportaxe completada coas achegas de organizacións como os Comités e a Liga Estudiantil.

Entrevistamos o novo secretario xeral de Podemos Galiza, Breogán Riobóo, co que falamos de procesos constituíntes, lingua, eleccións, o Caso Monedero ou a casta. Este naronés afirma que “Podemos veu para mudar a política galega tal e como a coñecemos”.

Tamén nos achegamos até as iniciativas veciñais que hai en localidades galegas para defender contra a piqueta ou o abandono un patrimonio urbano que acobilla memoria colectiva e identidade. E informamos da trama Zeta que sinala San Caetano e María Pita.

A importancia dunha diagnose a tempo

En ‘Endometriose: a importancia dunha diagnose a tempo’ falamos con doentes e con profesionais da medicina sobre unha “enfermidade complexa” que padecen catro millóns de mulleres en Europa. “Dicíanme que a dor é normal, que a regra doe” confesa Iria V., unha das doentes.

E neste nº134 do Sermos Galiza tamén falamos da ‘fraude’ que existe en certos produtos do mar, que se comercialian como galegos cando non o son; debullamos estudos que elevan o número de persoas en desemprego a moitas máis das que recollen as estatísticas oficiais.

‘Biodiesel: o penúltimo fiasco para reindustrializar Ferrolterra” e ‘Louzán tamén é polémico na Federación Galega de Fútbol’ son dúas reportaxes que podes ler tamén neste número do semanario. Outra entrevista neste nº134 é a Luis César, galego que adestra o Albacete. E en Viaxes na Miña Terra percorremos da man do colectivo Xea as lagoas e praias de Xuño e Muro.

Hammubari

Na sección de Textos entrevistamos Xosé Antón Parada , que a mediados dos 70 comezou estudar acádico coa finalidade de algún día poder traducir o Código de Hammubari. Case 40 anos depois, o reto está case logrado. En ‘A colección de Álvaro Gil’ falamos dun acontecemento de gran importancia, como que ese gran tesouro volva ao Museo de Lugo.

E na contra-capa, Nanny Mouro (compositor da versión en galego de Parabéns para Ti)