A Quinkillada, Jinetes del Trópico e Señora DJ protagonizan un novo SolporSon en Ames

A parroquia de Biduído, en Ames (comarca de Santiago) celebra o próximo 8 de xullo máis unha edición do SolporSon, cun cartel protagonizado este ano pola Quinkillada, Jinetes del Trópico e Señora DJ. Entre as 22 e as 3 horas da madrugada, a veciñanza gozará deste evento con entrada libre e gratuíta no campo da festa de Biduído. O Concello habilitará un servizo de autobús para se desprazar desde O Milladoiro e Bertamiráns, ida e volta.