AGAL trasládalle ao PSdeG 12 propostas para incorporar á axenda dos Concellos

O secretario de Organización do PSdeG, José Manuel Laxe Tuñas, reuniuse esta cuarta feira co presidente da Associaçom Galega da Língua (AGAL), Eduardo Maragoto, para buscar puntos comúns de cara a impulsar as relacións culturais e económicas da Galiza co norte de Portugal e o mundo lusófono. Ambas as organizacións coincidiron na necesidade de desenvolver e darlle contido á Lei Paz Andrade. Así, Maragoto trasladou a Laxe Tuñas un documento con 12 propostas para incorporar á axenda dos Concellos.