Morre un veciño do Incio, na comarca de Sarria, mentres realizaba labores de roza nunha finca

Un veciño do Incio (comarca de Sarria) faleceu esta sexta feira mentres realizaba labores de roza nunha finca. Ao parecer, caeu do muro sobre o que estaba a traballar, mais descoñécense as causas exactas do falecemento. Ao lugar mobilizáronse un helicóptero medicalizado e unha ambulancia, cuxos sanitarios tan só puideron certificar a súa morte.