Interceptan un condutor que circulaba en sentido contrario pola AG-11

A Garda Civil interceptou o condutor que, na tarde desta sexta feira, circulou en sentido contrario pola Autovía do Barbanza e triplicaba a taxa de alcol. Segundo informou, o home, de 38 anos, deu negativo nas probas de drogas e nas de alcol lanzou un resultado de 0,79 mg/l en aire expirado. O suceso produciuse minutos despois das 20 horas cando o 112 recibiu varias chamadas de particulares que alertaban de que un turismo circulaba en sentido contrario pola AG-11, á altura do km 23, en dirección Padrón polos carrís sentido Ribeira. O vehículo tomou a saída cara a unha área de servizo, no km8, e reincorporouse á autovía en sentido correcto. Sobre as 20.17 horas, unha patrulla localizou e detivo o condutor por un delito de condución temeraria superando as taxas máximas estabelecidas.