Oito artistas desenvolverán as súas creacións nas Residencias Atopémonos Bailando de Lugo

O tenente de alcalde de Lugo, Rubén Arroxo e a edil de Cultura, Maite Ferreiro, xunto con integrantes do Colectivo Glovo, presentaron onte os oito proxectos que chegarán a Lugo para participar nas residencias artísticas Atopémonos Bailando. As seleccionadas son Catarina Gameiro e Mariana Frazão (Portugal), Miguel Gendre (Galiza), Nashira Santanatalia e Gustavo Giménez (Aragón), Alba Fernández Cotelo (Galiza), Marina Melero (Madrid), Elvi Balboa (Galiza), artista seleccionada para o intercambio coa Quinzena da Dança de Almada, Portugal; Julia Laport (Galiza), artista que tamén seleccionada para intercambio, no seu caso con Costa Rica, e Mariana Collado e Lucio A Baglivo (Almería/Madrid), que foron seleccionados para o intercambio co Teatro Experimental Flaviense de Chaves, Portugal.