xornadas

Co gallo do 150 aniversario da chegada de Rosalía á Coruña, a Agrupación Cultural Alexandre Bóveda organiza para este sábado 23 de outubro a xornada "Un día con Rosalía". Palestras, roteiros, recitais poéticos, concertos, cinema, obradoiros... compoñen un completo programa para celebrar esta efeméride.

A Deputación de Pontevedra inaugura o proxecto onde buscan formar e reflexionar sobre o "espazo público como un dereito da cidadanía".

As xornadas en liña 'Arquivos, mulleres e tradición', do Consello da Cultura Galega coa coordinación Xulia Feixóo, poñen o foco no traballo contemporáneo, desde diversas ópticas, cos materiais legados por mulleres, protagonistas con frecuencia invisíbeis dos procesos de transimisión e conservación do patrimonio inmaterial.

O Comité pola Memoria Histórica do Val da Limia organiza, con motivo do 70 aniversario da inauguración do embalse das Conchas, unha xornadas para analizar a súa problemática, que terán lugar ás 18 horas de hoxe no Pub Gallaecia, en Mugeimes. 

As xornadas Noutrén: Feminismo Poscolonial, que organiza a agrupación cultural O Galo, celebran esta tarde a súa derradeira palestra, centrada nas estratexias para unha soberanía feminista. En Sermos Galiza falamos con Iraitz Agirre, membro da organización Euskal Herriko Bilgune Feminista e parte integrante do grupo que presentou en 2015 o Relatorio de Soberanía Feminista de Euskal Herria, do que dará conta durante o encontro. 

Baixo o epígrafe ‘feminismo transgresor’, a quinta sesión das xornadas Noutrén: feminismo poscolonial, que organiza a agrupación cultural O Galo, contará esta cuarta feira, día 30, coas voces da investigadora Daniela Ferrández, presidenta da asociación Amizando, a activista trans Laura Bugallo, e a docente Cristina Palacios, fundadora da Asociación de Familias de Menores Transexuales Arelas, co-impulsora da Lei Galega de Identidade de Xénero.

As xornadas Noutrén: Feminismo Poscolonial, que organiza a agrupación cultural O Galo, centran a súa cuarta sesión no activismo e os coidados da vida. En Sermos Galiza falamos con Erea Blanco, activista na Marcha Mundial das Mulleres –MMM– e en Isca!, que compartirá palestra coa doutora en educación, xénero e igualdade Rebeca Raso, esta cuarta feira, día 23, para coñecer a súa experiencia e visión do feminismo galego. 

A psicóloga social María Fidalgo intervén nesta cuarta feira, día 16, nas xornadas Noutrén: Feminismo Poscolonial, que organiza a agrupación cultural O Galo, nas que compartirá palestra coa mediadora intercultural Rut León. Migrante e formadora en migracións e xénero, a activista fala con Sermos Galiza sobre identidades e territorios, fronteiras e migracións, nunha sesión que propón unha visión da interseccionalidade desde o vivencial. 

Lola Ferreiro Díaz, catedrática de Procesos Sanitarios e integrante no grupo de estudos de xénero Lúa Crecente, é unha das dúas activistas que guían esta cuarta feira a segunda sesión das xornadas Noutrén: Feminismo Poscolonial, que organiza a agrupación cultural O Galo. Xunto con Lupe Ces, fará unha panorámica do que foi o movemento feminista desde a súa orixe ata a actualidade, para proxectar despois as perspectivas de futuro.

O Ceida, centro de referencia de educación ambiental a nivel galego, celebra esta fin de semana o IV Encontro Internacional do Lixo Mariño, unhas xornadas abertas para a sensibilización e defensa do medio mariño onde as crebas adquiren unha dimensión comunicativa e artística, como medio de transmisión dunha realidade de intoxicación do planeta polos materiais plásticos que van parar ao mar.

Lucrecia Masson (Ombucta, 1981) abriu esta cuarta feira, xunto coa investigadora Jeane Costa, as xornadas Noutrén: Feminismo Poscolonial, que promove a agrupación cultural O Galo e que contarán, ao longo de sete sesións que se desenvolverán até o 9 de novembro, cunha escolma de voces expertas para reflexionar sobre a descolonización dos corpos e dos territorios. Activista, artista e investigadora multiformato sobre corpos, gordofobia, transfeminismos ou descolonización, Masson expón para Sermos Galiza algúns dos conceptos do seu relatorio nunha proposta que, como explica, formula o feminismo “desde fóra dunha matriz eurocéntrica”. 

Unhas xornadas debatiron na Coruña sobre o auxe destes movementos -presentes xa nunha vintena de parlamentos en Europa- e que facer para frealos.

O sábado 9 de xuño, a Deputación da Coruña ofrece unha xornada de análise no Teatro Colón con máis de vinte especialistas

CIG-Ensino e a Asociación Socio Pedagóxica Galega (AS-PG) xuntaron máis de 200 persoas nas XXVII xornadas de Lingua e Literatura e nas XXI xornadas de Educación Infantil. Unha actividade en que tamén se presentou O Diario Galego, xornal que Sermos Galiza, S.A. prevé lanzar o ano que vén.

Máis dun cento de representantes municipais e militantes asistiron ás xornadas organizadas en Pontevedra pola formación nacionalista sobre estes modelos.

As xornadas organizadas por Lidia Senra, eurodeputada de AGE-Europa, en colaboración coa Asociación Galega para a Defensa da Sanidade Pública e a Xunta de Persoal da Área Sanitaria de Vigo, finalizaron co lanzamento do “Manifesto pola recuperación dos centros sanitarios privados”. Formaron parte das palestras decenas de expertos e expertas do sector sanitario galego e internacional.

Dar a coñecer o labor que desenvolveron as Irmandades da Fala en Compostela. Este é o principal obxectivo das completas xornadas que organiza a Agrupación Cultural O Galo, en colaboración coa Deputación da Coruña, a Universidade de Santiago de Compostela,  a Mesa pola Normalización Lingüística e Erguer, durante o 13,14 e 22 de outubro e do 21 ao 25 de novembro na facultade de Filosofía da USC.

A Estrada acolle este sábado unha xornada organizada polo GUE/NGL e AGE-Europa sobre o presente e o futuro enerxético do país no contexto europeo. Trátase tamén dunha xornada de denuncia das políticas neoliberais esquecen o impacto ambiental e social do actual modelo enerxético.