A proposta Noutrén: feminismo poscolonial. Decolonializando corpos e territorios, que dirixe Purificación Cabido, ofrecerá esta cuarta feira e o vindeiro día 6 de novembro as últimas dúas sesións teóricas, con espazos dedicados, por unha banda, ao activismo transfeminista e, por outra, á soberanía feminista, coa participación de Iraitz Agirre Aranguren, Ximena González e María Reimóndez como espazo para formular estratexias para esta soberanía.
A programación complétase o sábado 9 de novembro cun roteiro guiado que sairá ás 12 horas da praza 8 de Marzo de Compostela, no que haberá música, poesía e teatro, e que xirará arredor das mulleres e o feminismo desta cidade.