Xeoparque de Cabo Ortegal

A estratexia de sustentabilidade turística da Deputación da Coruña reflectiuse hoxe en Fitur nos actos da Reserva da Biosfera Mariñas Coruñesas, Costa da Morte Asociacións Turísticas e o Xeoparque Mundial de Cabo Ortegal, deseñando unha oferta turística que dá prioridade ás residentes locais.

A Galiza conta na actualidade con dous espazos declarados como Xeoparques Mundiais. Un recoñecemento que demostra o valor histórico e patrimonial do cabo Ortegal e das Montañas do Courel. A relación entre as persoas e a natureza ou a posibilidade de comprender a creación dos continentes dotan de especial interese estes dous territorios rochosos do país.

O proxecto abrangue os concellos de Cariño, Cedeira, Cerdido, Moeche, Ortigueira, San Sadurniño e Valdoviño.