A precariedade que se agocha detrás dalgúns macro festivais
Traballadoras e traballadores de diversos macro festivais, algúns subvencionados pola Xunta de Galiza, denuncian reiterados casos de impago e a precariedade laboral que padecen, chegando a realizar xornadas laborais de até 20 horas diarias detrás dunha barra a cambio dunha media de oito euros por hora. Persoal afectado denuncia, en declaracións a Sermos Galiza, que o único que se coñece ao chegar á barra é a hora de entrada, mais nunca a de saída.
O festival O Son do Camiño provoca “prezos desorbitados” en Compostela
O Son do Camiño, cuxa segunda edición decorre esta fin de semana no Monte do Gozo de Compostela, atraerá, sempre segundo a organización, milleiros de persoas á cidade. Trinta e tres mil serán as que asistan ás tres xornadas de concertos. Entre as súas consecuencias, unha “desorbitada” escalada de prezos na hostalaría.
Iggy Pop e David Guetta, confirmados para O Son do Camiño
A segunda edición do festival Son do Camiño de Santiago de Compostela xa confirmou os cabezas de cartel. Entre eles estarán o histórico precursor do punk -conta 72 anos- Iggy Pop ou o picadiscos e produtor de electrónica comercial David Guetta.
"A marca O Son do Camiño é dous meses anterior á concesión. Foi un contrato a dedo"
Hai unhas semanas, a deputada Concepción Burgo (PSdeG) puxo o foco sobre as maneiras en que a Xunta concedeu tres millóns de euros á unión temporal de empresas que xestionará o festival O Son do Camiño. “É un contrato a dedo non sabemos para facer o que”, pregúntase, e asegura que pode haber irregularidades legais. O episodio sérvelle, ademais, como exemplo do que critica na política cultural do Goberno galego: “As cousas non se poden facer así”. Eis un extracto da entrevista publicada no Sermos Galiza 287.
Polémica adxudicación de ‘O son do Camiño’
O PSdeG critica a concesión "a dedo" de 3 millóns para o festival 'O Son do Camiño'. O BNG denuncia a falta de transparencia desta adxudicación e En Marea pon en dúbida a legalidade. A Asociación galega de empresas musicais estuda emprender accións ante as "fundadas sospeitas" dun contrato "preparado" para este festival.