Luís Villares

A formación de Luís Villares comprométese a traballar polo desenvolvemento de leis trans e Lgtbi para rematar coas problemáticas e discriminacións que afectan o colectivo.
 

Nunha xuntanza co comité de empresa de Bosch en Vigo, o portavoz de En Marea, Luís Villares, propuxo para frear as deslocalizacións de empresas que se penalice aquelas que o fagan se previamente recibiron subvencións públicas.

Villares defende desde Padrón impulsar o comercio local e de proximidade e unha nova lei de contratos do sector público.

En Verín déronse cita Luís Villares, voceiro de En Marea, e o candidato ao Congreso Iván Olmos. Desde alí propuxeron para as persoas autónomas poder retrasar o pago do IVE até que se efectúe o cobro das correspondentes facturas.

O portavoz de En Marea, Luís Villares, cargou na tarde da quinta feira contra os seus socios de grupo parlamentar no Hórreo, Podemos, aos que acusou de obviar Galiza. “No retrato do tándem PSOE-Podemos, Galiza nunca sae”, denunciou.

En Marea e a candidatura Ourense Mellor asinaron un convenio de colaboración co obxectivo de sumar esforzos e lograr un cambio de goberno na Deputación de Ourense.

A convención electoral de En Marea para o 28-A sintetizouse nun compromiso: o partido que dirixe Luís Villares comprométese a apoiar unha “maioría social de progreso”. Ao tempo, presentou un programa electoral con “299 medidas urxentes para Galiza”.
 

Luís Villares avanzou que En Marea contará cun programa de 299 medidas urxentes para Galiza. Estas medidas e o conxunto do programa trataranse na convención electoral que a formación celebrará este sábado en Compostela.

“Que diga claramente se quere a unidade popular con nós ou non”. Este era o recado que enviaba Yolanda Díaz, deputada de En Marea, a Luís Villares, de quen advirte que “polo de agora, non quere achegamento”.

Non estivo cómodo Feixoo na sesión de control previa ao 8M. Apenas puido utilizar o seu argumentario de cabeceira, o seu retrouso de que todo tempo pasado (ou sexa, o bipartito), foi peor. Atacado con distinto grao de dureza por Pontón, Villares e Leiceaga, non foi quen de se desmarcar da fervenza de manifestacións machistas proferidas nos últimos días polo seu xefe político estatal, Pablo Casado.

Sen novidade na frente: En Marea irá si ou si o 28A como partido e non se coaligará con ningún grupo. Só a fórmula partido "garante grupo [parlamentar] propio", insistiu esta sexta feira en conferencia de imprensa Luís Villares, quen instou Anova, EU e Podemos a que trasladen ás súas bases, mediante referendo, a sua oposicion a concorrer ás xerais como En Marea.

A dirección de En Marea fixa un par de liñas vermellas "clarísimas" perante o xa inminente proceso electoral das xerais. A primeira, a fórmula de concorrencia: "Iremos como partido, de ningunha maneira como coalición", afirman a Sermos fontes da Coordenadora (Executiva) da formación liderada por Luís Villares. A segunda, a realización de primarias. "Non nos imos prestar a que as candidaturas se decidan nunha mesa camilla", alegan. Un discurso ben distinto ao formulado esta mesma segunda feira en FB por Xulio Ferreiro, líder da Marea Atlántica, partidario dunha coalición que desta volta inclúa a propia En Marea como partido.

O portavoz da formación, preguntado sobre sancións e expedientes a estes parlamentares, mantén que “non me corresponde a min” adoptar esas decisións. Podemos, Esquerda Unida e Anova defenden a posición destes catro deputados. “Temos un problema”, recoñece Luis Villares.

Unha década despois de chegar a Monte Pío, Feixoo continúa a exercer como xefe da oposición. É o rol no que realmente se sente cómodo. Oposición ao bipartito (2005-2009), ao goberno Zapatero (2004-2012) e ao executivo Sánchez (xuño de 2018-actualidade). A sesión de control ao presidente da Xunta desta cuarta feira volveu pór de manifesto que a táctica favorita de Feixoo é o contragolpe. Pontón pediulle o cesamento do conselleiro de Sanidade e o titular do goberno galego contra-atacou deslizando unha suposta connivencia do nacionalismo coa queima de ambulancias.

Como cabía agardar, a oposición cargou esta segunda feira contra o presidente da Xunta por alterar a súa axenda institucional para compartir coa ultradereita a manifestación contra o Goberno Sánchez, xusto no momento en que miles de persoas protestaban en Compostela contra a política de privatización e deterioración da sanidade pública despregada desde San Caetano.

O partido instrumental aspira a estar representado en perto da metade dos concellos do país, avanzou este domingo Luís Villares. A idea é que as agrupacións locais podan comparecer nas municipais de maio unificadas baixo a marca común de En Marea, co obxectivo de obter así escanos en todas as deputacións provinciais.

Votará contra a proposta actual de orzamentos xerais presentada polo goberno español: "Non cumpre nin as necesidades nin as expectativas para Galiza". Luis Villares afirma que é a dirección da formación "a que fixe a posición definitiva" sobre as contas xerais do Estado. 

Villares ponse á frente da oposición da confluencia aos orzamentos do estado, pactados nas súas liñas mestras polo PSOE con Podemos. Cun discurso notoriamente máis duro que o empregado pola representación de En Marea en Madrid, o portavoz orgánico e parlamentar do partido instrumental pide "unha negociación bilateral" para mudar de "xeito substancial" as contas. A alteración dos orzamentos é condición sine qua non para teren o apoio de En Marea no Congreso.