Espiral Maior

Malia que na confrontación entre cultura e natureza a segunda resulta gañadora, o regreso fortalecido debe encarar outra derrota, a da imposibilidade de traspasar completamente as fronteiras da subxectividade.

Anxo Mena chega tamén para aumentar a nómina de poetas cunha traxectoria científica consciente, algo que parece banal pero que sen dúbida contribúe a un debate aberto entre ciencias e humanidades e ten a capacidade de colocar novos discursos na perspectiva literaria.

Non se salva a ollada inquietante cara á infancia nunha idealización forzada, a linde fina entre normalidade e anomalía psicolóxica ou os límites da comunicación literaria, outro placebo que, malia a todo, forma parte da realidade: "Quen quere entender o poema con esta auga e con este frío e con esta respiración descontrolada?", porque á fin é "O poema, un accidente".