CIS

O primeiro barómetro do CIS após a conformación do Goberno español indica que o PP perdería a condición de forza máis votada na Galiza de haber agora eleccións estatais.

BNG mantén a intención de voto, o mesmo co resto de formacións que rexistran apoios idénticos ou semellantes aos obtidos nas últimas eleccións. O voto ás formacións da esquerda superan en case 4 puntos ao que obterían as da dereita.

A macro enquisa (17.650 entrevistas persoais en todo o Estado) dá opcións ás nacionalistas de atinxir representación. O PSOE gañaría os comicios no Estado (até 150 deputadas e deputados) e tamén na Galiza (25,8%), onde superaría o PP (18,4%).

A última enquisa do CIS nace con polémica. Ao pouco de facer público os seus resultados, o propio director do instituto público Felix Tezanos veuse obrigado a poñer en cuestión a fiabilidade dun estudo elaborado con anterioridade á convocatoria electoral e á decisión de Iñigo Errejón de concorrer á cita do 10N. Mentres tanto, desde a oposición cualifícano como un instrumento propagandístico ao servizo de Pedro Sánchez.

Un 10,6% defende un goberno de socialistas, Podemos con apoio de “nacionalistas independentistas”, porcentaxe superior ás partidarias dun executivo coas tres forzas de dereitas: PP, Cs e Vox.

O novo barómetro do CIS volve invisibilizar os datos electorais referentes o BNG considerándoos dentro do epígrafe “outros”. A pesar de que o CIS ten en conta os datos das forzas representativas, con ou sen presenza nas Cortes, o BNG non figura desagregado mentres si o fan os datos correspondentes a Galiza do PACMA e Vox.

O barómetro publicado polo CIS correspondente ao mes de maio amosa un PP sen chan electoral que caería até ser a cuarta forza política no Estado de celebrarse agora unhas novas eleccións xerais.

O barómetro do Centro de Investigacións Sociolóxicas (CIS) dá unha vitoria socialista nas europeas do 26 de maio e unha nova caída do PP. Tamén obterían representación na Eurocámara, alén de Agora Repúblicas, Junts per Catalunya e a coalición liderada polo PNV.

O CIS sitúa o PSOE como gañador das eleccións xerais cunha estimación de 123 a 138 escanos, mais non prognostica maiorías claras para o goberno do Estado. Na Galiza o PSOE tamén sería a forza máis votada e entraría Vox pola Coruña.

Un PSOE claramente por encima dos 30 puntos e que supera en votos á suma de PP e Cs. Un mundo das confuencias en retroceso. Un Vox que interrumpe a súa emerxencia e descende. Eses son os principais trazos do barómetro do CIS de febreiro. Foi feito antes de Sánchez convocar as eleccións.

O oráculo de José Félix Tezanos continúa a lle ser moi esquivo a Pablo Casado: nin rastro do seu suposto efecto na última mostra do macroinquérito estatal, o correspondente ao mes de xaneiro. Por vez primeira desde que foi refundado por Aznar, o PP é cuarta forza nun CIS. 

No barómetro de decembro, o cuestionado oráculo de José Félix Tezanos volta a colocar o PSOE en liña descendente. Se en novembro a escadra de Pedro Sánchez alcanzaba 31,2 por cento do voto, desta volta ficaría en 28,9. Mentres tanto, o conglomerado liderado por Podemos sofre unha caída con tintes dramáticos, do 18,1 por cento pasaría a apenas 14,9. En Marea, en troca, duplicaría os seus resultados a respecto do mes anterior, do 0,6 a 1,2.

Moi cuestionado o método Tezanos pola maioría da profesión demoscópica, os recentes resultados de Andalucía deitan toneladas de escepticismo sobre a capacidade preditiva do instituto público. O barómetro de novembro do CIS, publicado esta cuarta feira, confirmaría tendencias anteriores: un PSOE moi por diante dunha dereita fraccionada que só competiría polo segundo posto. Vox case duplicaría resultados, ao alcanzar 2,5 por cento do voto. En Marea continúa estancada en 0,6 por cento.

Con apenas 196 entrevistas realizadas no conxunto do país, o propio instituto demoscópico alerta de que a marxe de erro é moi considerábel, arredor de 7,1 por cento. Os datos son por tanto relativamente pouco indicativos. Mostran, iso si, certas tendencias: o ascenso claro do PSdeG, a división no campo da dereita e a caída de En Marea. O BNG non aparece no estudo por ser neste momento, e no ámbito estatal, forza extraparlamentar.

O barómetro de setembro do CIS practicamente calca os resultados da sondaxe anterior: o PSOE continúa moi distanciado dos partidos da dereita. A formación liderada por Sánchez consolídase na contorna de 30 por cento do voto (aumenta 6 décimas), en tanto que o PP, con 20,8 por cento dos sufraxios, apenas rendabiliza o ascenso de Pablo Casado á lideranza do partido (só 4 décimas máis). Tamén sobe lixeiramente Podemos, con 16,1 por cento (cinco décimas de incremento). Canto a En Marea, a confluencia experimenta unha significativa mellora nas súas expectativas, ao pasar de 0,7 a 1,1. Aínda así continúa por debaixo do 1,4 das xerais de xuño de 2016.