cepyme

O presidente do Goberno español, Pedro Sánchez, anunciou esta cuarta feira un novo acordo en materia de pensións, xunto ás organizacións patronais CEOE e Cepyme, e os sindicatos CCOO e UXT. A CIG, que non forma parte da Mesa do Diálogo Social, cualificou a reforma como "un novo recorte das pensións".

A reunión desta segunda feira en Madrid sobre a lei de redución da xornada laboral -na que participaron o Ministerio de Traballo e Economía Social, UXT, CCOO, CEOE e Cepyme- rematou sen acordo. A patronal non presentou ningunha proposta e desde o Goberno español fixan outra xuntanza, como definitiva, o 1 de xullo.

Semanas de negociación “na sombra”, cun recente e reivindicativo Primeiro de Maio, remataron onte coa sinatura a nivel estatal  dun Acordo para o Emprego e a Negociación Colectiva (AENC) entre CCOO e UXT, por parte sindical, e a CEOE e Cepyme, por parte da patronal. O pacto recomenda unha suba salarial de 10% entre 2023 e 2025. Desde a CIG critican, entre outros apartados, que no documento queden fóra os peores anos da inflación: 2021 e 2022.