Asorei

Día 1 das calendas de abril. Era Compostela. O pétreo Mateo manda labrar no lintel do Pórtico da Gloria esa data do ano 1188. Robusto, granítico, simbólico. Semella que todos estes adxectivos quedan adheridos á plástica escultórica galega. Neste 2024 celebramos un escultor para conmemorar o Día das Artes Galegas, fixado no día 1 de abril. Unha tradición que conta nove anos e que corre a cargo da Real Academia Galega de Belas Artes.

A RAGBA celebra así Día das Artes Galegas 2024.

Cambados acolle os actos centrais da Academia Galega de Belas Artes

Cambados, no Salnés, abriu o Ano Asorei coa inauguración dunha exposición no paseo da Calzada, a carón da escultura erixida en homenaxe ao artista, que mostra, a través das fotos de Xurxo Lobato, a abundancia e riqueza da obra do escultor na Galiza.