Nais e pais de Vigo concentráronse na mañá desta quinta feira diante do CEIP Illas Cíes do barrio de Coia para protestar pola privatización do servizo de conserxaría de varios colexios da cidade: "Non o podemos consentir".
Convocados pola o Federación Olívica de Asociacións de Nais e Pais de centros escolares de Vigo (Foanpas), decenas de persoas acudiron ás portas do centro para pedir ao Concello que non privatice este servizo municipal.
Con berros de 'Non, non, non, á privatización', pais e nais e representantes de varios sindicatos, como CIG ou UXT,, puxeron en valor o traballo dos conserxes, sendo "imprescindíbel" a súa presenza nos colexios.
"Pretenden privatizar o servizo"
"Non entendemos que agora que hai unha lista pública onde hai 50 persoas que poden cubrir as postos vacantes, o Concello pretenda privatizar o servizo", lamentou a presidenta de Foanpas, Iria Salvande.
Preguntada sobre se se puxeron en contacto co Concello para falar do tema, Salvande dixo que si que o tentaron, pero que "non tiveron ningunha noticia" da Administración, a pesar de que pediron unha reunión co responsábel de Educación.
Por todo iso, anunciaron que se concentrarán en máis colexios de Vigo para protestar por esta situación.
A próxima quinta feira, día 28 de setembro, será a quenda do Igrexa-Candeán, onde acudirán ás 19 horas.
