A nai de Rubiales féchase nunha igrexa e inicia unha folga de fame en apoio ao seu fillo

A nai de Luis Rubiales, Ángeles Béjar, iniciou na mañá desta segunda feira unha folga de fame indefinida na parroquia da Divina Pastora, no centro de Motril, na costa de Granada, en apoio ao seu fillo, suspendido como presidente da Real Federación Española de Fútbol (RFEF) esta fin de semana pola FIFA tras asegurar este que non dimitiría e xustificar o seu bico forzado con Jennifer Hermoso asegurando que si foi consentido.

Fontes próximas á familia sinalaron que Ángeles Béjar pediu tras fecharse na igrexa, que Hermoso "diga a verdade" e volva ao "criterio" que mostrou tras o bico non consentido, que se producía tras a vitoria da selección española de fútbol en Sidney (Australia).

Pintadas contra Rubiales

Na parroquia do barrio de Capuchinos comentaron que a muller se atopa en bo estado e rezando, despois de que o seu fillo chegase esta fin de semana para pasar uns días de descanso a Motril, onde, no estadio Escribano Castilla apareceron pintadas contra Rubiales.

Fontes do Concello informaron que van ser limpadas.