O alto representante da Unión Europea (UE) para Asuntos exteriores, Josep Borrell, foi o protagonista dunhas declaracións polémicas nas últimas horas co gallo do mundial de fútbol feminino.
Del creador de “cal desinfectar Catalunya” arriba “les nostres dones estan aprenent a jugar tan bé al futbol com els homes”.
— Aleix Clarió 🎏🐉 (@aleixclario) August 23, 2023
Com a Alt Representat de la UE a l’Exterior, en Borrell acaba de denigrar profundament els valors europeus i les seves institucions. pic.twitter.com/bpnNqI7enC
Aconteceu durante unha entrevista na TVE, cando, ao ser preguntado sobre o mundial de fútbol que viu como a galega Tere Abelleira se proclamaba campioa do mundo, Borrell dixo que as mulleres “están aprendendo a xogar tan ben como os homes”.
“Isto é moi boa noticia”, acrecentaba o alto representante da UE, algo que levantou grandes críticas, principalmente nas redes sociais.
Posteriormente, o xefe da diplomacia europea publicou unha mensaxe en X, antiga Twitter, coa que quixo matizar a súa declaración inicial.
Nela, defendeu que "a vitoria das xogadoras da selección española no Mundial de fútbol demostra que este é o tempo das mulleres".
Presión a Rubiales
Controvertidas declaracións que chegan no medio da tamén polémica xerada polo presidente da Federación española de Fútbol, Luis Rubiales, que deu un bico forzado á xogadora Jenni Hermoso durante a cerimonia de entrega de medallas.
Até o de agora e a pesar das duras críticas que está a recibir o presidente da federación, só un club se pronunciou para pedir a súa dimisión, o Xetafe.