As vítimas mortais do coronavirus na Galiza son xa 644 após que unha muller de 96 anos falecese onte no Hospital Lucus Augusti (HULA). A Consellaría de Sanidade explica que a falecida tiña patoloxías previas.
Os falecementos vinculados coa Covid-19 volveron co aumento dos gromos este verán. Una muller de 91 perdeu a vida aqueixada desta doenza o pasado 7 de agosto en Ourense. Desde entón houbo 24 mortes máis. Até ese momento, Galiza levaba dous meses sen ter que lamentar ningunha morte polo coronavirus.
Do total das vítimas, 135 perderon a vida en residencias de maiores e outras 149 en hospitais e residencias integradas.