Detidas dúas persoas por 17 incendios forestais provocados en Vilalba

Axentes do Grupo de Investigación de Incendios da Unidade de Policía Nacional Adscrita dda Galiza en Lugo e a Unidade de Investigación de Incendios Forestais (UIFO) da Consellaría do Medio Rural esclareceron 17 incendios forestais provocados ao longo deste verán nas parroquias de Goiriz e Lanzós, pertencentes ao concello de Vilalba, na Terra Chá.

Segundo informou a Xunta, a operación, denominada 'Lapa', saldouse coa identificación dos dous presuntos autores, que foron detidos.

Os incendios "presentaban patróns comúns" xa que comezaban nos bordos das pistas forestais, entre as 23.00 horas e as 03.00 horas e as chamas afectaban maioritariamente a zonas arboredos e non atoparon restos de material acelerante nin medios de ignición.

Por mor das investigacións, puideron constatar que a reiteración dos feitos e a súa localización próxima ao domicilio dos detidos indicaban unha "clara intención" de xerar alarma social.

A Xunta indicou que, no que vai de ano, a UPA leva 23 persoas detidas ou investigadas como presuntas autoras de incendios forestais.