A conselleira de Medio Ambiente, Territorio e Vivenda, Ángeles Vázquez, asegurou que a Lei de Vivenda é "extremista" porque "menoscaba a propiedade privada" e "a liberdade dos cidadáns" e acusou ao Goberno de tratar ás comunidades autónomas como "auténticos monicreques".
Nunha entrevista na Radio Galega recollida por Europa Press, a responsábel de Vivenda da Xunta afirmou que esta norma "atenta contra a clase media", xa que, na súa opinión, "imponse que viva constantemente nun fogar en alugueiro, non se dá a posibilidade de que poidan optar a un fogar en propiedade".
Con todo, afirmou non estar sorprendida, aínda que criticou que o Goberno estatal trate as comunidades como "auténticos monicreques", a pesar de "ter a responsabilidade" nesta materia, así como que non convocasen "unha mesa sectorial".
"Foi un acordo con extremistas", resolveu despois de facerse público o acordo entre o Goberno central e os grupos parlamentarios de ERC e EH Bildu con relación a certos aspectos do proxecto lexislativo.
Para a conselleira, o Executivo estatal con esta lei "non pretende solucionar os problemas de vivenda", senón "continuar no Goberno a custo dos extremistas e pactando con eles".
Por iso, manifestou que espera que "recúen" e see scoite " ás distintas comunidades". "Fomos varias as que pedimos unha conferencia sectorial porque ademais estanse saltando a lei. As conferencias sectoriais están para iso, para que se nos trasladen os textos lexislativos, algo que nunca foi neste caso", lamentou.
Por outra parte, Vázquez avanzou que a aprobación da Lei de Ordenación do litoral de Galiza vai ser "inminente".
"Agora mesmo o que estamos a facer é cumprir o cronograma e iso é que a finais de 2023 solicitamos os informes e antes do mes de xuño sairá a aprobación do proxecto de lei polo Consello da ", explicou.
