Willy Meyer repetirá por terceira vez como cabeza de listaxe para as europeas, segundo a proposta aprobada pola comisión de listas de IU que votará hoxe sábado o seu Consello Político. Segundo o xornal publico.es, a listaxe na que participará Anova levará como número dous a unha dirixente de CCOO, Paloma López.
IU está no último chanzo para aprobar a súa listaxe electoral despois dun proceso de tensión interna que aínda está sen pechar. Segundo informa publico.es, sobre a mesa pesaba aínda a poucas horas do inicio da xuntanza do Consello Político a posibilidade de que Izquierda Abierta, de Gaspar Llamazares, presentara unha candidatura alternativa ao non estar o seu candidato Tasio Oliver nos postos de saída.
O quinto sen nome
Na lista ICV ocupará o terceiro lugar, con Ernest Urtasun, e Anova ocupará o quinto lugar da lista, sen estar aínda determinado o seu nome, aínda que si se coñece o do cuarto posto que ocupará Marina Albiol, deputada nas Cortes Valencianas, o sexto, a asturiana Ángeles Vallinas e o sétimo, Javier Couso, irmá do cámara asasinado.
